Henk Hover

Greun van het Graas

Inmiddels is het Averegs-liedje 't Greun van het Graas door een aantal uitvoerenden op het repertoire genomen. Hiernaast kun je er twee horen. De eerste is van Wilhelmina Hingen, de tweede van het Vriendenkoor uit Echt.

De derde is een live-uitvoering samen met de Fanfare van Pey tijdens het Anges es anges concert op 12-10-2013.

 

‘t Greun van ‘t graas
(teks en meziek: Henk Hover)

 

Tösse ‘t greun van ‘t graas
en ‘t goudgaele kaore,
dao ligk ‘t Hènge, dao bön ich gebaore.
Dao wone mien aojers, dao stuit mien aojershoes.
Dao bön ich gebaore, dao veul ich mich thoes.

De Plantje, de Echterstraot, de Berg en d’n Diek
dao wil ich gaer zeen, dao veul ich mich riek.
De Sint Joasterwaeg en ‘t Hoagveldj neet te vergaete,
vorme same ein spil van ‘t Hèngender laeve.

Auch in de Kawverwei, vol mejs en vol kaore
dao trèkke de boere mit ploge hun vore,
dao graasj auch ‘t vieë, van kuuj tót aan peard
dao greutj auch vanalles in vruchbare aerd.

 

Oetveurendje: Averegs

( Peggy van de Ven, Paul Niessen, Frans Niessen, Judith Hover & Henk Hover )

versjeen op de CD Oetgebreidj in 1998

---------------------------------------------

 

 

Óntstaon en achtergrondj

Averegs is eine zanggroep oet Pej en Ech dae al mieë es 25 jaor inne zelfdje samestèlling optreutj.
Begin 1998 koom ‘n CD oet mit 11 eige leedjes. De titel van het album is “Oetgebreidj”  (Marlstone CDL9810).

Ein van die leedjes zoe ieës neet oppe CD kómme. Det woor ‘n leedje det Henk sjreef väör 't óntstaon van Averegs biej gelaegenheid van de 50 jaorige verjäördig van zie moder. Inne oorspronkelijke oetveuring hej 't nummer drie coupletten, mer det ónbekèndje dördje couplet -äöver 't feit det 't altied good waer zoe zeen op 't Hènge- is noats oetgeveurdj.
 

Het nummer geit äöver 't Hènge ( Hingen) , ein buurtsjap huuerendj biej Pey-Echt. Het leedje bevatj inne couplette ein opsomming van straotname, De Plantje = In de Planten, d'n Diek = Op den Dijk, de Berg =buurtschap de Berg. Boetestäönders dènke den det d'r eine diek, eine berg en väöl sjoan plantje zeen op 't Hènge. Ouch de Kawverwei is ein plaatsaanduiding van ein stök akker- en weilandj wo kènjer Hover altied speeldje, eine St. Maertenshoup boewdje en later hunne hóndj oet ginge laote.

Oppe plaat hueers se op 't ènj  ‘n "Hieërekoar". Det woor ein gelaegeheidsensemble biej-eingezeumerdj oet femilieleje en vrunj van Averegs.

Het CD arrangement väör 't nummer woort gesjreve door accordeonist  John Damen oet Maasbracht. Hae arrangeerdje 't väör vioal, gitaar, accordeon en cello. Inmiddels zeen d'r ouch arrangemente väör koar, hermenie, brassband, fanfaar en zelfs dwarsfluitensemble van in ómloup.

De CD Oetgebreidj is al lang neet mieë te koup. Het nummer versjeen de aafgeloupe jaore op versjillendje verzamel-CD's en is nog stieëds te koup. Ouch zeen d'r inmiddels ènkel koare die 't nummer op 't rippertoire höbbe.

't Leedje weurt dök gedrejdj en gespeeldj bie begrafenisse, trouwerieje en jubilea van luuj van 't Hènge, mer ouch dök van wuud daoboete.

Sinds 't versjiene stuit 't leedje steevas inne L1mbo Top 100 aller tieje,  dae eder jaor mit Hemelvaart door de regionale zender L1 weurt oetgezónje.

d'r Geit gein Averegs-optraeje väörbiej wobiej 't nummer neet minstens eine kieër weurt gezónge. En steevas weurt d'r aafgeslaote mit ein extra refrein door 't publiek.

​